യുവതിയുടെ മൃതദേഹം കണ്ടെത്തി

വൈക്കം: തോട്ടുവക്കത്ത് വാടകക്ക് താമസിക്കുന്ന വീട്ടിൽ യുവതിയുടെ രണ്ട് ദിവസം പഴക്കമുള്ള മൃതദേഹം കണ്ടെത്തി. തൂങ്ങി മരിച്ച നിലയിലാണ് 22 കാരിയായ സീതാലക്ഷ്മി എന്ന യുവതിയുടെ മൃതദേഹം കണ്ടത്.

മുറിക്കുള്ളിലെ ജനലിൽ തൂങ്ങിനിലയിലാണ് മൃതദേഹം കണ്ടത്. അസഹ്യമായ ദുർഗന്ധം പരന്നിരുന്നു. സീതാലക്ഷ്മിയുടെ സഹോദരൻ മറ്റൊരു മുറിയിൽ അസുഖ ബാധിതനായി ഉണ്ടായിരുന്നു എന്നാണ് പുറത്ത് വരുന്ന വിവരം.

വിദേശത്തായിരുന്ന മാതാവ് ഇന്ന് രാവിലെ എത്തിയപ്പോഴാണ് മരണം പുറത്തറിഞ്ഞത് പോലിസും ശാസ്ത്രീയ പരിശോധന വിഭാഗവും സ്ഥലത്ത് പരിശോധന നടത്തുകയാണ്.