വിദ്യാർത്ഥികളെ അനുമോദിച്ചു

വൈക്കം: അക്ഷയ റസിഡൻസ് അസോസിയേഷന്റെ ആഭിമുഖ്യത്തിൽ, എസ്.എസ്.എൽ.സി, പ്ലസ് ടു മികച്ച വിജയം നേടിയ വിദ്യാർത്ഥികളെ അനുമോദിച്ചു. ചടങ്ങിൽ പഠനോപകരണ വിതരണവും ജീവൻ സുരക്ഷ ക്ലാസ്സും നടത്തി. ബിടെക് ഫസ്റ്റ്ക്ലാസിൽ വിജയിച്ച എസ്. നന്ദനയെയും എസ്.എസ് സ്കോളർ
ഷിപ്പു നേടിയ ശ്രീനന്ദ എസ്. പ്രഭുവിനെയും ആദരിച്ചു. നഗരസഭാ വൈസ് ചെയർപേഴ്സൺ സൗദാമിനി അഭിലാഷ് സമ്മേളനം ഉദ്ഘാടനം ചെയ്തു. അക്ഷയ പ്രസിഡന്റ് പി.സോമൻ പിള്ള അദ്ധ്യക്ഷത വഹിച്ചു. ചടങ്ങിൽ ദുരന്ത നിവാരണ മാർഗങ്ങളെക്കുറിച്ച് ഫയർ ആന്റ് റെസ്ക്യൂ ഓഫീസർ ഹരികൃഷ്ണൻ നായർ ക്ലാസ്സെടുത്തു. ഫയർ ആൻ്റ് റസ്ക്യൂ അസിസ്റ്റന്റ് സ്റ്റേഷൻ ഓഫീസർ അനിൽ രാജ്, ഓഫീസർമാരായ ശങ്കർ, നിസ്സാം എന്നിവ രാജ് ക്ലാസിന് നേതൃത്വം നൽകി. കൗൺസിലർമാരായ മാധുരി കെ.എൻ, പി. അമ്പിളി, പി.കെ വിജയകുമാരി, എസ്. ശ്രീകാന്ത് എന്നിവരും പങ്കെടുത്തു.