ഉദയനാപുരം നാനാടത്ത് വിദ്യാർത്ഥികൾക്ക് ചെസ്സ് പരിശീലനം

വൈക്കം: ഉദയനാപുരം പഞ്ചായത്ത് നാനാടം ഒ.സി. മാധവൻ മെമ്മോറിയൽ പഞ്ചായത്ത് ലൈബ്രറിയിൽ സ്കൂൾ കോളേജ് വിദ്യാർത്ഥികൾക്കുള്ള ചെസ് പരിശീലന പരിപാടി തുടങ്ങി. പരിശീലനം പഞ്ചായത്ത് പ്രസിഡൻ്റ് കെ.ജി. രാജു ഉദ്ഘാടനം ചെയ്തു. ഞായറാഴ്ചകളിൽ തെരഞ്ഞെടുക്കപ്പെട്ട വിദ്യാർത്ഥികൾക്ക് വായനശാലയിൽ വച്ച് വിദദ്ധരായ പരിശീലകർ ചെസ് പരിശീലനം നൽകും.
പഞ്ചായത്ത് അംഗം ഗീതാ ഷാജി ഉദ്ഘാടന ചടങ്ങിൽ അദ്ധ്യക്ഷത വഹിച്ചു. പി.വി. പുഷ്കരൻ, കെ. ദീപേഷ്, കെ. വേണുഗോപാൽ, ജീസസ്, അജേഷ് വരമ്പരുകിൽ, പ്രസന്നജിത്ത് പിക്കിനി തുടങ്ങിയവർ പ്രസംഗിച്ചു.