വൈക്കം: യുവകലാസാഹിതി വൈക്കം മണ്ഡലം പ്രസിഡണ്ടും സാമൂഹ്യ പ്രവർത്തകനുമായ പി സോമൻ പിള്ള രചിച്ച ദലമർമ്മരങ്ങൾ എന്ന കഥാസമാഹാരത്തിന്റെ കവർ പ്രകാശനം ചെയ്തു. കവിയും എഴുത്തുകാരൻമായ അരവിന്ദൻ കെ.എസ് മംഗലമാണ് പ്രകാശന കർമ്മം നിർവ്വഹിച്ചത്. മനുഷ്യജീവിതത്തിന്റെ നിസ്സംഗതകളും നൊമ്പരങ്ങളും പ്രതീക്ഷകളും സ്വപ്നങ്ങളും ചേർന്നൊരു അനുഭവലോകത്തെയാണ് പി. സോമൻപിള്ള ദലമർമ്മരങ്ങൾ എന്ന കൃതിയിലൂടെ സമ്മാനിക്കുന്നത്. പേരുപോലെ തന്നെ ഇലകളുടെ മർമരശബ്ദം പോലെ ഹൃദയത്തെ സ്പർശിക്കുന്ന ജീവിതാനുഭവങ്ങളുടെ സമാഹാരമാണ് ഈ പുസ്തകം. ചടങ്ങിൽ സി.പി.ഐ മണ്ഡലം സെക്രട്ടറി എം.ഡി ബാബുരാജ്, സി.പി.ഐ മണ്ഡലം അസിസ്റ്റന്റ് സെക്രട്ടറി അനിൽ ബിശ്വാസ്, യുവകലാസാഗതി സംസ്ഥാന കമ്മിറ്റി അംഗം സാംജി ടി.വി പുരം, യുവകലാ സാഹിതി ജില്ലാ സെക്രട്ടറി ആർ. സുരേഷ്, മണ്ഡലം സെക്രട്ടറി ശ്രീമതി ശ്രീലത വർമ്മ എന്നിവർ പ്രകാശന ചടങ്ങിൽ പങ്കെടുത്തു.