ജനമൈത്രി പോലീസ് - സീനിയർ ചേംബർ പഠനോപകരണ വിതരണവും നടത്തി

വൈക്കം: ജനമൈത്രി പോലീസ് സീനിയർ ചേംബർ ഇൻ്റർനാഷണൽ എന്നിവരുടെ നേതൃത്വത്തിൽ എട്ട് സ്‌കൂളിലെ നിർധന വിദ്യാർഥികൾക്ക് പഠനോപകരണ വിതരണം നടത്തി. വൈക്കം വെൽഫെയർ സെൻ്ററിൽ നടത്തിയ സമ്മേളനം വൈക്കം പോലീസ് എസ്‌.എച്ച്‌.ഒ ഇ.കെ. സോൾജി മോൻ ഉദ്ഘാടനം ചെയ്തു. വൈക്കം സീനിയർ ചേംബർ പ്രസിഡൻ്റ് എം.പി. മുരളീധരൻ അധ്യക്ഷത വഹിച്ചു. സീനിയർ ചേംബർ സെക്രട്ടറി കെ. ശിവപ്രസാദ്, സമിതി കൺവീനർ രാജൻ അക്കരപ്പാടം, പോലീസ് സബ് ഇൻസ്പെക്‌ടർമാരായ ടി.സി. സജീഷ്, ജയേഷ് ചന്ദ്രൻ, അഭയചന്ദ്, ചേംബർ ദേശീയ ഭാരവാഹികളായ എസ്.ഡി. സുരേഷ് ബാബു, കെ.പി. വേണുഗോപാൽ, പി.കെ. ഹരിദാസ്, പി.ആർ.ഒ സി.എ. ഷമീർ, ചേംബർ ട്രഷറർ അജിത്ത് വർമ്മ തുടങ്ങിയവർ പ്രസംഗിച്ചു.