തലയോലപ്പറമ്പ് പട്ടണത്തെ ചെങ്കടലാക്കി പി. കൃഷ്ണപിള്ള അനുസ്‌മരണം

തലയോലപ്പറമ്പ്: കേരളത്തിലെ കമ്മ്യൂണിസ്റ്റ് പ്രസ്ഥാനത്തിൻ്റെ സ്ഥാപക നേതാക്കളിലൊരാളും ആദ്യ കമ്മ്യൂണിസ്റ്റ് സെല്ലിൻ്റെ സെക്രട്ടറിയുമായ പി. കൃഷ്ണപിള്ളയുടെ 78-ാമത് അനുസ്‌മരണം തലയോലപ്പറമ്പിൽ നടന്നു.
സി.പി.എം തലയോലപ്പറമ്പ് ഏരിയ കമ്മറ്റിയുടെ നേതൃത്വത്തിൽ നടന്ന അനുസ്‌മരണ സമ്മേളനം സംസ്ഥാന സെക്രട്ടറിയേറ്റംഗവും മുൻ മന്ത്രിയുമായ വി.എൻ. വാസവൻ ഉദ്ഘാടനം ചെയ്തു.
ഏരിയ സെക്രട്ടറി ഡോ.സി.എം. കുസുമൻ അദ്ധ്യക്ഷത വഹിച്ചു.

സമ്മേളനത്തിനു മുമ്പായി തലയോലപ്പറമ്പ് പള്ളിക്കവലയിൽ നിന്നാരംഭിച്ച ബഹുജന റാലിയിൽ ആയിരങ്ങൾ പങ്കെടുത്തു.
ജില്ല സെക്രട്ടറിയേറ്റംഗം പി.വി സുനിൽ, ഏരിയ കമ്മറ്റിയംഗങ്ങളായ പി.വി. ഹരിക്കുട്ടൻ, കെ.എസ്. വേണുഗോപാൽ, കെ.കെ. രമേശൻ, കെ.ബി. രമ, ടി.എൻ സിബി എന്നിവർ പ്രസംഗിച്ചു.