കോട്ടയം: ഒക്ടോബർ 13,14,15 തീയ്യതികളിൽ തിരുപ്പതിയിൽ വച്ചു നടക്കുന്ന കെ.എസ്.എസ് 7-ാം ദേശീയ സമ്മേളനത്തിനു മുന്നോടിയായി കിസാൻ സർവ്വീസ് സൊസൈറ്റിയുടെ കോട്ടയം ജില്ലാ കൺവെൻഷൻ ജൂൺ 20 ശനിയാഴ്ച 2 മണിക്ക് പൊൻകുന്നം ഹോളി ഫാമിലി ഫെറോന ചർച്ച് ഹാളിൽ വച്ചു നടക്കും. ഉദയനാപുരം, ചിങ്ങവനം, പൊൻകുന്നം എന്നീ മൂന്നു പുതിയ യൂണിറ്റുകളടക്കം 24 യൂണിറ്റുകളിൽ നിന്നുള്ള തിരഞ്ഞെടുക്കപ്പെട്ട പ്രതിനിധികൾ പങ്കെടുക്കും. അന്നേ ദിവസം പൊൻകുന്നം യൂണിറ്റ് ഭാരവാഹികളുടെ സ്ഥാനാരോഹണവും നടക്കുമെന്ന് കെ.എസ്.എസ് കോട്ടയം ജില്ലാ പ്രസിഡൻ്റ് അജിത് വർമ്മയും ജില്ലാ ജനറൽ സെക്രട്ടറി ഫിലിപ്പ് ജോണും അറിയിച്ചു.

കെ.എസ്.എസ് ദേശീയ ചെയർമാൻ ഡോ. ജോസ് തൈയ്യിൽ, ദേശീയ ജനറൽ സെക്രട്ടറി സുരേഷ്. എസ്, സംസ്ഥാന പ്രസിഡന്റ് ജോയ് ജോസഫ് മൂക്കൻ തോട്ടം എന്നിവർ ചടങ്ങുകൾക്കു നേതൃത്വം നൽകും. കൂടുതൽ വിവരങ്ങൾക്ക്: ഫോൺ 9847327566.