വെള്ളക്കെട്ട് പരിഹരിക്കാൻ നടപടി

വൈക്കം: ഉദയനാപുരം പഞ്ചായത്തിലെ കൃഷി ഭവനും, മൃഗാശുപത്രിയും സ്ഥിതിചെയ്യുന്ന കെട്ടിടത്തിൻ്റെയും അരീക്കുളങ്ങര ക്ഷേത്രപരിസരത്തെയും മഴക്കാലത്തുണ്ടാകുന്ന വെള്ളക്കെട്ട് പരിഹരിക്കാൻ നടപടി. വെള്ളക്കെട്ട് ഒഴിവാക്കാനായി 19 ലക്ഷം രൂപ മുടക്കിയുള്ള ഓട നിർമ്മാണത്തിനാണ് തുടക്കമായത്. ഓടയുടെ നിർമ്മാണ ഉദ്ഘാടനം പഞ്ചായത്ത് പ്രസിഡൻ്റ് കെ.ജി. രാജു നിർവ്വഹിച്ചു. ദുരന്ത നിവാരണ പദ്ധതിയിൽ 19 ലക്ഷം രൂപ അനുവദിച്ചാണ് ഓട നിർമ്മാണം. വികസന സ്റ്റാൻ്റിംഗ് കമ്മറ്റി ചെയർമാൻ കെ. ദീപേഷ് ചടങ്ങിൽ അദ്ധ്യക്ഷത വഹിച്ചു. പഞ്ചായത്തംഗം ആജിഷാ ഉദയകുമാർ, അസ്സിസ്റ്റൻ്റ് എഞ്ചിനീയർ ആതിരാ സോമൻ, വിനിതാ രഞ്ജിത്ത്, രാധികാ സുമേഷ് തുടങ്ങിയവരും ചടങ്ങിൽ പങ്കെടുത്തു