മേടപ്പകലിന് പുണ്യമായി ക്ഷേത്രനടക്ക് മുന്നില് ഉദയംപൂജ
വൈക്കം: മേടപകലിന് പുണ്യമേകി ക്ഷേത്ര സംങ്കേതങ്ങളില് സുര്യഭഗവാനേ സ്തുതിച്ച് നടത്തിയ ഉദയംപൂജ ഭക്തിനിര്ഭരമായി. താലങ്ങളില് നീരാഞ്ജന ദീപവും കോല്തിരികളും പുഷ്പങ്ങളും അപ്പവും വെച്ച് സൂര്യഭഗവാനെ ധ്യാനിച്ച് ഉദയംപൂജ നടത്തി. പോളശ്ശേരി ഭഗവതി ക്ഷേത്രത്തില് വ്യതശുദ്ധിയോടെത്തിയ നൂറുകണക്കിന് ഭക്തര് താലങ്ങള് ഉയര്ത്തി സൂര്യഭഗവാനെ നമിച്ചു. നാമജപങ്ങള് ഉദയംപൂജക്ക് ഭക്തിയേകി. ക്ഷേത്രത്തിന്റെ തിരുനടക്ക് മുന്നില് പ്രത്യേകം ഒരുക്കിയ വേദിയിലാണ് ഉദയംപൂജയുടെ ചടങ്ങുകള് നടത്തിയത്. പട്ടുകുടകള് ചടങ്ങിന് ഭംഗി പകര്ന്നു. ക്ഷേത്രം തന്ത്രി പി.വി. സാലി, മേല്ശാന്തി ആര്. ഗിരീഷ് എന്നിവര് മുഖ്യ കാര്മികരായിരുന്നു.
Comments ()