മെഡിസെപ്പില്‍ സൂപ്പര്‍ സ്‌പെഷ്യാലിറ്റി ആശുപത്രികളെ ഉള്‍പ്പെടുത്തണം: പെന്‍ഷന്‍ സംഘടന
വൈക്കം: പെന്‍ഷന്‍കാര്‍ക്ക് മെഡിസെപ്പില്‍ സൂപ്പര്‍ സ്‌പെഷ്യാലിറ്റി ആശുപത്രികളെ ഉള്‍പ്പെടുത്തണമെന്നും, പെന്‍ഷന്‍ പരിഷ്‌കരണ കമ്മീഷൻ പുനസംഘടിപ്പിക്കണമെന്നും കേരള സ്റ്റേറ്റ് സർവീസ് പെന്‍ഷനേഴ്‌സ് അസോസിയേഷന്‍ വൈക്കം നിയോജക മണ്ഡലം കമ്മറ്റി നടത്തിയ ഏകദിന ശില്‍പശാല പ്രമേയത്തില്‍ സര്‍ക്കാരിനോട് ആവശ്യപ്പെട്ടു.
ഗ്രാന്റ് മദേഴ്‌സ് ഓഡിറ്റോറിയത്തില്‍ നടന്ന ശില്‍പശാല സംസ്ഥാന ജനറല്‍ സെക്രട്ടറി ടി.എസ്. സലിം ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് ബി.ഐ. പ്രദീപ്കുമാര്‍ അദ്ധ്യക്ഷത വഹിച്ചു. സെക്രട്ടറി സി. അജയകുമാര്‍, സംസ്ഥാന കമ്മറ്റി അംഗങ്ങളായ കെ.ഡി. പ്രകാശന്‍, ഇ.എന്‍. ഹര്‍ഷകുമാര്‍, ഗിരിജാനായര്‍, സംസ്ഥാന വൈസ് പ്രസിഡന്റ് ജോര്‍ജ് പി.എബ്രഹാം, വനിതാഫോറം ജില്ലാ പ്രസിഡന്റ് വി.ബി. സുജാത, ജില്ലാ പ്രസിഡന്റ് പി.ജെ. ആന്റണി, എം.കെ. ശ്രീരാമചന്ദ്രന്‍, സിറിയക് ഐസക്, പി.വി. സുരേന്ദ്രന്‍, ഇടവട്ടം ജയകുമാര്‍, ലീല അക്കരപ്പാടം, സി. സുരേഷ്‌കുമാര്‍, ടി.പി. ഗംഗാദേവി, വി.ജെ. സജിമോന്‍, ജി. സുരേഷ്ബാബു, പി.കെ. മണിലാല്‍, പി.ആര്‍. ശശിധരകുമാര്‍, എന്നിവര്‍ പ്രസംഗിച്ചു.
Comments ()