തലയോലപ്പറമ്പ്: റോട്ടറി 3211 ഫൈവ് സ്റ്റാർ റൊട്ടേറിയൻ ജില്ലാ പുരസ്കാരം എസ്. ദിൻരാജിന് സമ്മാനിച്ചു.
തലയോലപറമ്പ് റോട്ടറി ക്ലബ് അംഗമാണ് എസ്. ദിൻരാജ്. സാമൂഹിക സേവന രംഗത്ത് സ്തുത്യർഹ പ്രവർത്തനത്തിനാണ് പുരസ്കാരം. കൊല്ലം വിസ്മയ കൺവെൻഷൻ സെൻ്ററിൽ നടന്ന ചടങ്ങിൽ ജില്ലാ ഗവർണർ ഡോ. ടിനാ ആൻറണി പുരസ്കാരം സമ്മാനിച്ചു.

രക്തദാനം, മെഡിക്കൽ-ഡെന്റൽ ക്യാമ്പുകൾ , അംഗത്വ വികസനം, വിദ്യാർത്ഥികൾക്കുള്ള ഉപരിപഠന സഹായം തുടങ്ങിയ മേഖലകളിൽ മികച്ച പ്രവർത്തനമാണ് ദിൻ രാജ് കാഴ്ചവച്ചതെന്ന് ഡോ. ടിനാ ആൻ്റണി പറഞ്ഞു. റവന്യൂ ഡിസ്ട്രിക്ട് ഡയറക്ടർ അൻവർ മുഹമ്മദ്, അസിസ്റ്റൻറ് ഗവർണർ ഡോ. ബിനു സി. നായർ എന്നിവർ പ്രസംഗിച്ചു.