പരീക്ഷാ വിജയികൾക്ക് അനുമോദനവും ലഹരി വിരുദ്ധ ബോധവത്ക്കരണ ക്ലാസ്സും

ഇറുമ്പയം: ഇറുമ്പയം ടാഗോർ ലൈബ്രറിയുടെ ആഭിമുഖ്യത്തിൽ പരീക്ഷാ വിജയികൾക്ക് അനുമോദനവും ലഹരി വിരുദ്ധ ബോധവത്ക്കരണ ക്ലാസും നടത്തി. ലൈബ്രറി ഹാളിൽ ലൈബ്രറി പ്രസിഡൻ്റ് ജി. രാധാകൃഷ്ണൻ്റെ അധ്യക്ഷതയിൽ നടന്ന യോഗം കടുത്തുരുത്തി ബ്ലോക്ക് പഞ്ചായത്ത് പ്രസിഡൻ്റ് തങ്കമ്മ വർഗീസ് ഉദ്ഘാടനം ചെയ്തു. എക്സൈസ് പ്രിവൻ്റീവ് ഓഫീസർ പി.എം. റോബിമോൻ ലഹരിവിരുദ്ധക്ലാസ് നയിച്ചു.

എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയവർക്ക് ബ്ലോക്ക് പഞ്ചായത്ത് പ്രസിഡൻ്റ് തങ്കമ്മവർഗീസ് ഉപഹാരം നൽകി. ബ്ലോക്ക് പഞ്ചായത്ത് വൈസ് പ്രസിഡൻ്റ് കുര്യാക്കോസ് തോട്ടത്തിൽ, പഞ്ചായത്ത് അംഗങ്ങളായ ജോഷ്‌മി ജോൺ, എം.വി. മാത്യു, ലൈബ്രറി സെക്രട്ടറി ഒ.കെ.മോഹനൻ, പി.ആർ. സരീഷ്കുമാർ, പി.എം.സുനിൽകുമാർ തുടങ്ങിയവർ പ്രസംഗിച്ചു.