​വാഹനാപകടത്തിൽ പരിക്കേറ്റ് ചികിത്സയിലായിരുന്ന സീനിയർ സിവിൽ പോലീസ് ഓഫീസർ മരിച്ചു

തലയോലപ്പറമ്പ്: വാഹനാപകടത്തിൽ പരിക്കേറ്റ് ചികിത്സയിലായിരുന്ന പോലീസ് ഉദ്യോഗസ്ഥൻ മരിച്ചു. ഏറ്റുമാനൂർ പോലീസ് സ്‌റ്റേഷനിലെ സീനിയർ സിവിൽ പോലീസ് ഓഫീസർ തലയോലപ്പറമ്പ് പൂതക്കുഴിയിൽ പി.ജെ. സാബു (48) ആണ് മരിച്ചത്.
ഏറ്റുമാനൂർ സ്വകാര്യ ആശുപത്രിയിൽ ചികിത്സയിലിരിക്കെ തിങ്കളാഴ്ച വൈകിട്ട് അഞ്ചു മണിയോടെയായിരുന്നു മരണം.
​ഒക്ടോബർ മൂന്നിന് വെളുപ്പിന് നീലിമംഗലത്ത് വെച്ചായിരുന്നു അപകടം.
സാബു സഞ്ചരിച്ചിരുന്ന ബൈക്കും പിക്കപ്പ് വാനും തമ്മിൽ കൂട്ടിയിടിക്കുകയായിരുന്നു.
​ഭാര്യ: ജോമി സെബാസ്റ്റ്യൻ. മക്കൾ: ജെന്നിഫർ, ജോയൽ. (ഇരുവരും വിദ്യാർത്ഥികൾ). സംസ്‌കാരം: ബുധൻ രാവിലെ 10 ന് തലയോലപ്പറമ്പ് സെയിൻ്റ് ജോർജ് ചർച്ച് സെമിത്തേരിയിൽ.