ഹൈമാസ്റ്റ് ലൈറ്റുകൾ ഉദ്ഘാടനം ചെയ്തു

തലയോലപറമ്പ്: തലയോലപറമ്പ് പഞ്ചായത്തിലെ വാർഡുകളിലെ പ്രധാന കേന്ദ്രങ്ങളിൽ ഹൈമാസ്റ്റ് ലൈറ്റുകൾ സ്ഥാപിച്ചു. ജില്ലാ പഞ്ചായത്തിൻ്റെ 18 ലക്ഷം രൂപ വിനിയോഗിച്ച് 17വാർഡുകളിൽ സ്ഥാപിച്ച ഹൈമാസ്റ്റ് ലൈറ്റിൻ്റെ പഞ്ചായത്ത് തല ഉദ്ഘാടനം ഒന്നാം വാർഡിൽ ജില്ലാ പഞ്ചായത്ത് അംഗം വിജയമ്മ ബാബു നിർവഹിച്ചു.
പഞ്ചായത്ത് പ്രസിഡൻ്റ് ജോസ് വേലിക്കകം അധ്യക്ഷത വഹിച്ചു.
പഞ്ചായത്ത് അംഗങ്ങളായ സമീൽ ഇബ്രാഹിം, ശിൽപസാജു, നിഷ വി.നായർ, അബ്ദുൾസലിം മാളൂസ്, ബ്ലോക്ക് പഞ്ചായത്ത് അംഗം സീതു ശശിധരൻ, ഫാർമേഴ്സ് ബാങ്ക് ഡയറക്ടർ ബോർഡ് അംഗം ജോൺസൺ ആൻ്റണി, എൻ.സി. നടരാജൻ, പ്രമോദ് സുഗണൻ തുടങ്ങിയവർ പങ്കെടുത്തു.