വൈക്കം: യു.ഡി.എഫ് സ്ഥാനാർത്ഥി കെ. ബിനിമോൻ വെച്ചൂർ പഞ്ചായത്തിൽ പര്യടനം നടത്തി. ഇടയാഴം ജംഗ്ഷനിൽ നിന്നും ആരംഭിച്ച തുറന്ന വാഹനത്തിനുള്ള പര്യടന പരിപാടി കെ.പി.സി.സി മെമ്പർ മോഹൻ ഡി. ബാബു ഉദ്ഘാടനം ചെയ്തു. വർഗീസ് പുതുപ്പള്ളി അധ്യക്ഷത വഹിച്ചു. പോൾസൺ ജോസഫ്, എം.കെ. ഷിബു, പി.ഡി. ഉണ്ണി, സണ്ണി പോട്ടയിൽ, പി.കെ. മണിലാൽ, കെ. ഗിരീശൻ, പി.ഡി. പ്രസാദ് എന്നിവർ പ്രസംഗിച്ചു. സ്ഥാനാർത്ഥി പരിയാരത്തെ ഫുട്ബോൾ ഗ്രൗണ്ടിൽ കായിക താരങ്ങളുമായി സംവദിച്ചു. വേരുവള്ളി, അംബികാ മാർക്കറ്റ്, റാണി മുക്ക്, നഗരിന്ന, പട്ടത്താനം, അച്ചിനകം തുടങ്ങിയ കേന്ദ്രങ്ങളിൽ പര്യടനം നടത്തി ബണ്ട് റോഡിൽ സമാപിച്ചു. രാവിലെ തലയാഴം പഞ്ചായത്തിൻ്റെ വിവിധ കേന്ദ്രങ്ങളിൽ ഭവന സന്ദർശനം നടത്തി. അതിരമ്പുഴയിൽ രാഹുൽ ഗാന്ധി പങ്കെടുത്ത സ്ഥാനാർത്ഥി സംഗമ പരിപാടിയിലും കെ. ബിനിമോൻ പങ്കെടുത്തു.