തലയോലപ്പറമ്പ്: വിദ്യാർത്ഥികൾക്കും സ്കൂൾ കെട്ടിടത്തിനും ഭീഷണിയായി നിന്നിരുന്ന കൂറ്റൻ മരത്തിൻ്റെ ശിഖരങ്ങൾ അധികൃതർ മുറിച്ചു മാറ്റി. വടയാർ ഇളങ്കാവ് ഗവ.യു.പി സ്കൂൾ വളപ്പിൽ നിന്നിരുന്ന മരത്തിന്റെ വലിയ കൊമ്പുകളാണ് വെട്ടിമാറ്റിയത്.
​കഴിഞ്ഞ കുറച്ചു നാളുകളായി ഈ മരത്തിന്റെ ഏതാനും ശിഖരങ്ങൾ ഉണങ്ങി നശിച്ച നിലയിലായിരുന്നു. ശക്തമായ കാറ്റിലോ മഴയിലോ ഒടിഞ്ഞു വീഴാൻ സാധ്യതയുണ്ടെന്ന് കാണിച്ച് പി.ടി.എയും സ്കൂൾ അധികൃതരും അധികാരികൾക്ക് പരാതി നൽകുകയും ചെയ്തിരുന്നു.
അധ്യയനത്തെ ബാധിക്കാത്ത രീതിയിൽ അവധി ദിവസമാണ് മരം മുറിക്കൽ ജോലികൾ പൂർത്തിയാക്കിയത്.
തലയോലപ്പറമ്പ് പഞ്ചായത്തംഗം എം. അനിൽകുമാർ നേതൃത്വം നൽകി.