ഓണാഘോഷവും കുടുംബസംഗമവും നടത്തി

വൈക്കം: സീനിയർ ചേംബർ ഇൻ്റർനാഷണൽ വൈക്കം ലീജിയൻ്റെ ആഭിമുഖ്യത്തിൽ ഓണാഘോഷവും കുടുംബ സംഗമവും നടത്തി. പ്രസിഡൻ്റ് അഡ്വ.എം.പി. മുരളീധരൻ്റ അദ്ധ്യക്ഷതയിൽ നടന്ന യോഗത്തിൽ ആഘോഷ പരിപാടി മുൻ പ്രസിഡൻ്റും നാഷണൽ ഡയറക്ടറുമായ കെ.പി. വേണുഗോപാൽ ഉദ്ഘാടനം ചെയ്തു. നാഷണൽ കോ-ഓർഡിനേറ്റർ എസ്.ഡി. സുരേഷ് ബാബു മുഖ്യ പ്രഭാഷണം നടത്തി.

സെക്രട്ടറി കെ. ശിവപ്രസാദ്, പ്രോഗ്രാം ഡയറക്ടർ പി. അംബുജാക്ഷൻ, ഗീതാഗോപകുമാർ, ദേവീക അനിൽ തുടങ്ങിയവർ പ്രസംഗിച്ചു. യോഗത്തിൽ സംസ്ഥാന സ്‌കൂൾ കലോത്സവത്തിൽ ഹൈസ്ക്കൂൾ തലത്തിൽ നടത്തിയ ചിത്രരചന മത്സരത്തിൽ വാട്ടർ കളർ പെയിൻ്റിംഗിൽ എ ഗ്രേഡ് നേടിയ വി.എസ്. അനന്യയെ ആദരിച്ചു. തുടർന്ന് നറുക്കെടുപ്പിൽ വിജയികളായ അംഗങ്ങൾക്ക് ഉപഹാരം നൽകി. ആഘോഷ രാവിന് മാറ്റേകി ഗാനാലാപനം, നൃത്തം തുടങ്ങിയ കലാപരിപാടികളുമായി യുവജനങ്ങളും മുതിർന്നവരും വേദിയിൽ നിറഞ്ഞപ്പോൾ ഓണാഘോഷം അവിസ്മരണീയമായ അനുഭവമായി മാറി.