തെങ്ങുകൾ വെട്ടി; കൊല്ലുമെന്ന് ഭീഷണിപ്പെടുത്തി; കേസിലെ പ്രതിയെ കോടതി വെറുതെ വിട്ടു

വൈക്കം: അന്യപുരയിടത്തിൽ അതിക്രമിച്ചു കയറി കായ് ഫലമുള്ള അഞ്ചു തെങ്ങുകൾ വെട്ടി കളഞ്ഞെന്നും, തടയാൻ ചെന്ന വീട്ടുകാരെ കൊല്ലുമെന്ന് ഭീഷണിപ്പെടുത്തിയെന്നും അസഭ്യം വിളിച്ചെന്നുമുള്ള പരാതിയിൽ വൈക്കം പോലീസ് എടുത്ത കേസിലെ പ്രതിയെ കോടതി വെറുതെ വിട്ടു. വൈക്കം കെ.എസ് മംഗലം ചെമ്മനാകരി പൂവടിയിൽ മോഹനനെയാണ് വൈക്കം ഒന്നാം ക്ലാസ് മജിസ്ട്രേറ്റ് കോടതി വെറുതെ വിട്ടത്. ഇന്ത്യൻ ശിക്ഷ നിയമം 447, 294(ബി) 506(ii), 427 വകുപ്പുകൾ പ്രകാരം പ്രതിയാക്കി വൈക്കം പോലീസ് ചാർജ് ചെയ്‌ത കേസിലാണ് പ്രതി കുറ്റക്കാരനല്ല എന്ന് കോടതി കണ്ടെത്തിയത്. വൈക്കം ജുഡീഷ്യൽ ഒന്നാം ക്ലാസ്സ്‌ മജിസ്ട്രേറ്റ് എൻ.എസ് ചിത്രലേഖയുടേതാണ് ഈ ഉത്തരവ്. പ്രതിക്ക് വേണ്ടി അഡ്വക്കേറ്റ് എ. മനാഫാണ് ഹാജരായത്.