അപകടങ്ങളിൽ 4 പേർക്ക് പരിക്കേറ്റു

പാലാ: വിവിധ അപകടങ്ങളിൽ പരിക്കേറ്റ 4 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. ബൈക്കും കാറും കൂട്ടിയിടിച്ചു വടവാതൂർ സ്വദേശി സച്ചിൻ പ്രശാന്തിനു (32) പരിക്കേറ്റു. ചേർപ്പുങ്കൽ ഇന്ത്യാർ ഫാക്ടറിക്കു സമീപത്തു വച്ചു രാവിലെ 7.30യോടെയാണ് അപകടം. മണിമലയിൽ വച്ചു ബൈക്ക് നിയന്ത്രണം വിട്ടു മറിഞ്ഞു മണിമല സ്വദേശികളായ ഹരിലാൽ (63), ശ്രീലത (57) എന്നിവർക്കു പരിക്കേറ്റു. രാവിലെ 8.30 യോടെയാണ് അപകടം. പാലായിൽ വച്ചു പെട്ടെന്നു ബ്രേക്കിട്ട കാറിനു പിന്നിൽ ബൈക്ക് ഇടിച്ച് നെച്ചിപ്പുഴൂർ സ്വദേശിനി മിനി പുഷ്പനു (56) പരിക്കേറ്റു.