ബിവറേജ് ഷോപ്പിലെ ആക്രമണം: 2 പേർ അറസ്റ്റിൽ

ചേർത്തല: തൈക്കാട്ടുശ്ശേരി ബീവറേജ് ഔട്ട്ലെറ്റിൽ 44കാരനെ ആക്രമിച്ച് ഗുരുതര പരിക്കേൽപ്പിച്ചവരിൽ രണ്ടുപേർ അറസ്റ്റിലായി. വിഷ്ണു, അനുരാജ് എന്നിവരാണ് അറസ്റ്റിലായത്. ഞായറാഴ്ചയായിരുന്നു ക്രൂരമായ ആക്രമണം നടന്നത്. ഇതിൻ്റെ ദൃശ്യങ്ങൾ പുറത്തുവന്നതോടെയാണ് പോലീസ് ഇടപെട്ടത്. പോലീസ് ഇന്നലെ കേസെടുത്തിരുന്നു. പ്രതികളായ അഞ്ച് പേരെ പോലീസ് തിരിച്ചറിഞ്ഞിരുന്നു. ഇവരിൽ രണ്ടുപേരാണ് അറസ്റ്റിലായത്. മറ്റുള്ളവർക്ക് വേണ്ടി പോലീസ് തിരച്ചിൽ നടത്തുകയാണ്. ഇവരും ഉടൻ പിടിയിലാകുമെന്ന് പോലീസ് അറിയിച്ചു. ആക്രമത്തിൽ ഗുരുതരമായി പരിക്കേറ്റ 44 കാരൻ ആശുപത്രിയിൽ ചികിൽസയിലാണ്.