കാർ നിയന്ത്രണം വിട്ട് വീടിൻ്റേയും കടയുടേയും മതിലിടിച്ച് തകർത്തു

വൈക്കം: വെച്ചൂർ അച്ചിനകം പള്ളിക്ക് സമീപം കഴിഞ്ഞ രാത്രി കാർ വീടിൻ്റേയും കടയുടേയും മതിലിടിച്ച് തകർത്ത് പാഞ്ഞു കയറി. കൊല്ലം സ്വദേശികളായ യുവാവും യുവതിയും സഞ്ചരിച്ച കാറാണ് അപകടത്തിൽപ്പെട്ടത്.

രാത്രി പതിനൊന്നരയോടെ കൂടിയാണ് അപകടം ഉണ്ടായത്. ഇവർക്കൊപ്പം പിന്നാലെ എത്തിയ കാറിൽ ഇവർ ആശുപത്രിയിൽ ചികിത്സ തേടി. വീടിൻ്റെ മതിലും ജനൽ ചില്ലുകളം ഒരു കടയുടെ മതിലും തകർന്നിട്ടുണ്ട്.