കെ.എസ്.ആർ.ടി.സി ബസ്സിന് തീപിടിച്ചു

എസ്. സതീഷ്കുമാർ

കോട്ടയം: മണിമലക്ക് സമീപം ഉല്ലാസ യാത്രക്കാരുമായി പോയ കെ.എസ്.ആർ.ടി.സി ബസ്സിനു തീപിടിച്ചു. വെളുപ്പിനെ 4 മണിയോടെയാണ് സംഭവം. മലപ്പുറത്തു നിന്ന് ഗവിയിലേക്കുള്ള വിനോദയാത്ര സംഘവുമായി റാന്നിയിലേക്ക് വന്ന ബസിനാണ് തീ പിടിച്ചത്. ബസ് പൂർണ്ണമായും കത്തി നശിച്ചു. യാത്രക്കാർ സുരക്ഷിതരാണ്. പൊൻകുന്നം ഡിപ്പോയിൽ നിന്ന് മറ്റൊരു ബസ് കൊണ്ട് വന്ന് യാത്രക്കാരെ റാന്നിയിൽ എത്തിച്ചു.

കാഞ്ഞിരപ്പള്ളി ഫയർ ഫോഴ്സ് എത്തിയാണ് തീ അണച്ചുത്. ബസ്സിൻ്റെ ടയറിൻ്റെ ഭാഗത്ത് പുക കണ്ട മറ്റൊരു വാഹന യാത്രക്കാരാണ് ഡ്രൈവർ ബസിലെ ഡ്രൈവറെ വിവരം അറിയിച്ചത് ഉടനെ തന്നെ ബസിലുണ്ടായിരുന്ന 28 ഓളം യാത്രക്കാരെ പുറത്തിറക്കിയതിനാൽ വൻ അപകടം ഒഴിവായി.