തലയോലപ്പറമ്പ്: കേന്ദ്ര സർക്കാരിൻ്റെ കർഷക ദ്രോഹ നയത്തിനെതിരെയും രാസവളത്തിന്റെ സബ്സിഡി വെട്ടി കുറച്ച നടപടിയിലും പ്രതിഷേധിച്ച്കർഷകസംഘം തലയോലപ്പറമ്പ് ഏരിയ കമ്മിറ്റിയുടെ നേതൃത്വത്തിൽ ഹെഡ് പോസ്റ്റ് ഓഫീസിന് മുന്നിൽ ധർണ്ണ നടത്തി.തലയോലപ്പറമ്പ് പോസ്റ്റോഫീസിന് മുന്നിൽ നടന്ന പ്രതിഷേധ  സമരം സിപിഎം ജില്ലാ കമ്മിറ്റി അംഗം കെ. സെൽവരാജ് ഉദ്ഘാടനം ചെയ്തു. കർഷകസംഘം ഏരിയ പ്രസിഡന്റ് പി. വി ഹരിക്കുട്ടൻ അധ്യക്ഷത വഹിച്ചു. ഏരിയ സെക്രട്ടറി ടി.ആർ സുഗതൻ കർഷക സംഘം ഭാരവാഹികൾ തുടങ്ങിയവർ പ്രസംഗിച്ചു. വിവിധ മേഖലകളിൽ നിന്നും നിരവധി കർഷകസംഘം പ്രവർത്തകർ പ്രതിക്ഷേധ സമരത്തിൽ പങ്കെടുത്തു.