കൂട്ടുമ്മേല്‍ ഭഗവതി ക്ഷേത്രത്തിൽ കൊടിയേറ്റ് 27 ന്

വൈക്കം: കൂട്ടുമ്മേല്‍ ഭഗവതി ക്ഷേത്രത്തിലെ കൊടിയേറ്റ് മഹോത്സവം ജനുവരി 27 മുതല്‍ ഫെബ്രുവരി 3 വരെ ആഘോഷിക്കും. 27 ന് വൈകിട്ട് 6.30 നും 7.00 നും ഇടയ്ക്കുള്ള സമയത്ത് ക്ഷേത്രം തന്ത്രിമാരായ ഭദ്രകാളി മറ്റപള്ളി നാരായണന്‍ നമ്പൂതിരി, മേക്കാട്ടില്ലത്ത് ചെറിയ മാധവന്‍ നമ്പൂതിരി എന്നിവരുടെ മുഖ്യ കാര്‍മ്മികത്വത്തില്‍ കൊടിയേറ്റും. കൊടിയേറ്റിന്റെ മുന്നോടിയായി രാവിലെ 11.30 ന് ക്ഷേത്രം ഓഡിറ്റോറിയത്തില്‍ പരമ്പരാഗത ചടങ്ങായ മഹാപ്രസാദം ഊട്ട് നടക്കും. നൂറ് കണക്കിന് ഭക്തര്‍ പ്രസാദ ഊട്ടില്‍ പങ്കെടുക്കും. വൈകിട്ട് കൊടിയേറ്റിനു മുന്‍മ്പായി 763-ാം നമ്പര്‍ എസ്.എന്‍.ഡി.പി. വനിതാ സംഘത്തിന്റെ താലപ്പൊലിയും നടക്കും.