നായ്ക്കൾക്ക് ഇനി ഡിജിറ്റൽ തിരിച്ചറിയൽ

കോട്ടയം: പെറ്റ് ഷോപ്പുകളിൽനിന്നു വിൽക്കുന്ന നായ്ക്കുഞ്ഞുങ്ങളിലും വീടുകളിലെ വളർത്തുനായ്ക്കളിലും ആർ.എഫ്.ഐ.ഡി (റേഡിയോ ഫ്രീക്വൻസി ഐഡന്റിഫിക്കേഷൻ) ചിപ് ഘടിപ്പിക്കാനുള്ള പദ്ധതി സർക്കാരിന്റെ ആലോചനയിൽ. നായ്ക്കളെ തെരുവിൽ ഉപേക്ഷിക്കുന്നത് വ്യാപകമാവുന്ന സാഹചര്യത്തിലാണ് സർക്കാർ നീക്കം.

അരിമണിയുടെ വലുപ്പമുള്ള കുഞ്ഞൻ ചിപ്പാകും നായ്ക്കളുടെ ചർമത്തിനടിയിൽ വയ്ക്കുക. നായ്ക്കളെ കാണാതായാൽ കണ്ടെത്താനും കൂടി ഇത് സഹായിക്കും. നായ്ക്കളെ തെരുവിൽ ഉപേക്ഷിച്ചാൽ ഉടമയ്ക്ക് 10,000 രൂപ വരെ പിഴയിടാൻ പഞ്ചായത്തുകളുടെയും നഗരസഭകളുടെയും ലൈസൻസിങ് ചട്ടങ്ങളിൽ ഭേദഗതിയും വരുത്തും.