8-ാം വാർഡിൽ പൾസ് പോളിയോ വിതരണത്തിന് തുടക്കമായി
വൈക്കം: ദേശീയ പൾസ് പോളിയോ നിർമ്മാർജ്ജന യജ്ഞത്തിന്റെ ഭാഗമായി വൈക്കം മുനിസിപ്പാലിറ്റി 8-ാം വാർഡിൽ പോളിയോ തുള്ളിമരുന്ന് വിതരണം ആരംഭിച്ചു. വാർഡ് കൗൺസിലർ വി. അനൂപ് കുട്ടികൾക്ക് തുള്ളിമരുന്ന് നൽകിക്കൊണ്ട് വാർഡ് തല ഉദ്ഘാടനം നിർവ്വഹിച്ചു. കിഴക്കേനട ഗൗഡസാരസ്വത ബ്രാഹ്മണ ഹാളിൽ നടന്ന ചടങ്ങിൽ പ്രദേശത്തെ നിരവധി കുട്ടികൾക്ക് തുള്ളിമരുന്ന് നൽകി.
ഭാവി തലമുറയെ പോളിയോ വിമുക്തമാക്കാൻ ഇത്തരം പ്രതിരോധ പ്രവർത്തനങ്ങളിൽ എല്ലാവരും പങ്കാളികളാകണമെന്ന് കൗൺസിലർ അഭിപ്രായപ്പെട്ടു. ചടങ്ങിൽ അംഗനവാടി ടീച്ചർ രേഖാ മനോജ്, ആശാ പ്രവർത്തകരായ ജ്യോതി രാധാകൃഷ്ണൻ, എസ്. ശശീന്ദ്രൻ നായർ എന്നിവർ പങ്കെടുത്തു.
Comments ()