വൈക്കം: പോളിയൊ നിർമ്മാർജ്ജനം ലക്ഷ്യമിട്ടുള്ള പോളിയൊ തുള്ളിമരുന്ന് വിതരണത്തിന് വൈക്കത്ത് തുടക്കമായി. നഗരസഭയിലും സമീപ പഞ്ചായത്തുകളിലും നിരവധി കേന്ദ്രങ്ങളിലാണ് തുള്ളിമരുന്ന് വിതരണത്തിന് സൗകര്യം ഒരുക്കിയിക്കുന്നത്. വൈപ്പിൻ പടി അംഗനവാടിയിൽ നടന്ന പോളിയോ മരുന്ന് വിതരണം മൂന്നാം വാർഡ് നഗരസഭ അംഗം ഇടവട്ടം ജയകുമാർ തുടക്കം കുറിച്ചു.

അഞ്ചു വയസ്സിൽ താഴെയുള്ള എല്ലാ കുട്ടികൾക്കും നിർബന്ധമായും പോളിയോ തുള്ളി മരുന്ന് നൽകണം. രാവിലെ 8 മണിയോടെ വിവിധ കേന്ദ്രങ്ങളിൽ മരുന്നു വിതരണം ആരംഭിച്ചിട്ടുണ്ട്. വൈകിട്ട് 5 മണി വരെ എല്ലാ കേന്ദ്രങ്ങളിലും ഇതിനുള്ള സൗകര്യം ഒരുക്കിയിട്ടുണ്ട്. സൗജന്യമായാണ് ആരോഗ്യവകുപ്പ് കുട്ടികൾക്ക് പോളിയോ തുള്ളിമരുന്ന് നൽകുന്നത്.