പ്രതിഷ്‌ഠാ വാർഷികാഘോഷവും വിജയദശമി - വിദ്യാരംഭവും

തലയോലപ്പറമ്പ്: മണകുന്നം 253-ാം നമ്പർ എസ്.എൻ.ഡി.പി ശാഖായോഗത്തിന്റെ ആഭിമുഖ്യത്തിൽ ഗുരുദേവ പ്രതിഷ്‌ഠയുടെ 21-ാ മത് പ്രതിഷ്ഠാവാർഷികാഘോഷവും വിജയദശമി വിദ്യാരംഭവും തിങ്കൾ, ചൊവ്വ, ബുധൻ തീയതികളിൽ ആഘോഷിക്കും.
കുട്ടികളുടെ കലാ-കായിക മത്സരങ്ങൾ, ദൈവദശക ആലാപന മത്സരം, മഹാപ്രസാദഊട്ട്, ദേശതാലപ്പൊലി, ഘോഷയാത്ര, സമാപന സമ്മേളനം, നാടകം എന്നിവയാണ് പ്രധാന പരിപാടികൾ.
സമാപന സമ്മേളനം എസ്.എൻ.ഡി.പി. വൈക്കം യൂണിയൻ പ്രസിഡൻ്റ് പി.വി. ബിനേഷ് പ്ലാത്താനത്ത് ഉദ്ഘാടനം ചെയ്യും.

ബുധൻ വൈകിട്ട് നാലിന് തലയോലപ്പറമ്പ് എസ്.എച്ച്.ഒ. എം.എസ്. മിഥുൻ
ഫ്ളാഗ് ഓഫ് ചെയ്യുന്ന ഘോഷയാത്ര
എസ്.എൻ.ഡി.പി. ഗ്രൗണ്ടിൽ നിന്നുമാരംഭിച്ച്
പാലാംകടവ് തലയോലപ്പറമ്പ് വഴി ഗുരുമന്ദിരത്തിൽ എത്തിച്ചേരുമെന്ന് ശാഖാ പ്രസിഡൻ്റ് സി.പി. ദാസൻ, സെക്രട്ടറി എ.എസ്. സലിം ഐമനം എന്നിവർ പറഞ്ഞു.