ടൂറിസ്റ്റ് ബസ് കത്തിനശിച്ചു

എസ്. സതീഷ്കുമാർ

കോട്ടയം: മുണ്ടക്കയത്ത് യാത്രക്കാരുമായി വന്ന ടൂറിസ്റ്റ് ബസ് കത്തിനശിച്ചു. ഇന്ന് പുലർച്ചെ മൂന്ന് മണിയോടെ മുണ്ടക്കയം ടൗണിലാണ് ബസ് കത്തിയത്. ഓടിവന്ന ബസിൻ്റെ ടയറിൻ്റെ ഭാഗത്ത് ശബ്ദം കേട്ടിരിക്കുന്നു. തുടർന്ന് ടയർ ഭാഗത്ത് പൊട്ടിതെറി ഉണ്ടായി തീ പടരുകയുമായിരുന്നു.

വാഹനത്തിൻ്റെ ഉള്ളിലുണ്ടായിരുന്ന യാത്രക്കാരുടെ വസ്തുക്കളെല്ലാം കത്തിനശിച്ചു.

ഫയർഫോഴ്സ് എത്തി തീയണച്ചെങ്കിലും വാഹനം പൂർണമായിത്തന്നെ കത്തി നശിച്ചിരുന്നു. ഹൈവേ പോലീസടക്കം രക്ഷാപ്രവർത്തനത്തിന് നേതൃത്വം നൽകി. യാത്രക്കാർ പുറത്തിറങ്ങി നിന്നത് കൊണ്ട് മാത്രമാണ് വൻ അപകടം ഒഴിവായത്. കോട്ടയം സ്വദേശികളുടെ മോക്ഷ എന്ന ടൂറിസ്റ്റ് ബസാണ് കത്തിനശിച്ചത്. എറണാകുളത്ത് നിന്ന് മധുരക്ക് പോയി മടങ്ങിയ ബസിലാണ് തീപിടിത്തം ഉണ്ടായത്. സ്ത്രീകളും കുട്ടികളും അടക്കം 45 അംഗ വിനോദയാത്രാ സംഘമാണ് ബസിലുണ്ടായിരുന്നത്.