വാൽപ്പാറയിൽ വാൻമറിഞ്ഞ് അപകടം; 9 മരണം

കോച്ചി: വാൽപ്പാറയിൽ വാൻമറിഞ്ഞ് അപകടം. വാനിൽ ഉണ്ടായിരുന്നത് 12 അധ്യാപകർ.

മരിച്ചത് ഏഴ് സ്ത്രീകളും ഒരു പുരുഷനും പെരിന്തൽമണ്ണയിൽ നിന്നുള്ള സംഘം.

അതിരപ്പള്ളി വാല്‍പ്പാറയിലുണ്ടായ വാഹനാപകടത്തിൽ 9 മലയാളികള്‍ക്ക് ദാരുണാന്ത്യം കൂടുതൽ പേർ മരണപ്പെട്ടതായും സൂചനയുണ്ട്.16 പേരാണ് വാഹനത്തിലുണ്ടായിരുന്നതെന്നാണ് പുറത്ത് വരുന്ന വിവരം. പരുക്കേറ്റവരില്‍ ചിലരുടെ നില ഗുരുതരമാണ്. അപകടത്തില്‍പ്പെട്ടത് കോഴിക്കോട്, മലപ്പുറം സ്വദേശികളെന്നാണ് സൂചന. മലപ്പുറം പാങ്ങില്‍ നിന്ന് വിനോദസഞ്ചാരത്തിനായി എത്തിയ അധ്യാപകരാണ് അപകടത്തില്‍പ്പെട്ടതെന്നാണ് വിവരം. വാല്‍പാറയിലേക്കുള്ള ഒമ്പതാം ഹെയര്‍പിന്‍ വളവിലാണ് അപകടമുണ്ടായത്. മറിഞ്ഞ വാഹനം കുറച്ച് ദൂരം നിരങ്ങിനീങ്ങി സംരക്ഷണ ഭിത്തിയിലടക്കം ഇടിച്ചാണ് വീണത്. അപകടസ്ഥലത്ത് അഗ്നിരക്ഷാസേന രക്ഷാപ്രവര്‍ത്തനം നടത്തി. വാഹനം പൂര്‍ണമായി തകര്‍ന്നു. പതിമൂന്നാം ഹെയര്‍പിന്‍ വളവില്‍ നിന്ന് വാഹനം ഒന്‍പതാം വളവിലേക്ക് പതിച്ചെന്നാണ് ലഭിക്കുന്ന വിവരം. തമിഴ്‌നാട് പൊലീസും സംഭവസ്ഥലത്തെത്തി. കൂടുതൽ വിവരങ്ങൾ പുറത്ത് വരുന്നതെ ഉള്ളു.