നേരെകടവ് - മാക്കേകടവ് പാലം ഉദ്ഘാടനം 18-ന്; പ്രഖ്യാപനവുമായി പൊതുമരാമത്ത് മന്ത്രി

വൈക്കം: നേരെകടവ് മാക്കേകടവ് പാലം ഈ മാസം 18 ന് തുറക്കുമെന്ന് ഔദ്യോഗിക പ്രഖ്യാപനമായി. പൊതുമരാമത്ത് വകുപ്പ് മന്ത്രി പി.കെ ബഷീറാണ് വൈക്കത്ത് ഔദ്യോഗികമായി പാലം തുറക്കുന്ന വിവരം അറിയിച്ചത്. മുഖ്യമന്ത്രി വി.ഡി സതീശൻ പതിനെട്ടിന് രാവിലെ 9 മണിക്ക് പാലം നാടിനു തുറന്നു കൊടുക്കും.

മാക്കേകടവിൽ ആയിരിക്കും ഉദ്ഘാടന പരിപാടി. തുറന്ന ജീപ്പിൽ മുഖ്യമന്ത്രി പാലത്തിലൂടെ വൈക്കം ഭാഗത്തേക്ക് യാത്ര ചെയ്യും. ഇന്ന് വൈകിട്ട് നിയമസഭ ഡെപ്യൂട്ടി സ്പീക്കർ ഷാനിമോൾ ഉസ്മാൻ്റെ നേതൃത്വത്തിൽ ചേർത്തല തവണകടവിൽ യോഗം വിളിച്ചിട്ടുണ്ട്. എം.എൽ.എ കെ. ബിനിമോൻ അടക്കം യോഗത്തിൽ പങ്കെടുക്കുന്നുണ്ട്. പത്രമാധ്യമ പ്രവർത്തകരെയും യോഗത്തിലേക്ക് ക്ഷണിച്ചിട്ടുണ്ട്.

പാലത്തിലെ വൈക്കം ഭാഗത്ത് ഉദയനാപുരത്തേക്കുള്ള റോഡ് നിർമ്മാണത്തിനുള്ള നടപടികളും സ്വീകരിച്ചിട്ടുണ്ട് എന്ന് മന്ത്രി പി.കെ ബഷീർ അറിയിച്ചു.