തിരുവാതിര കുമ്മി മാതൃകയിൽ ഓണപ്പാട്ടുമായി പി. സോമൻപിളള

വൈക്കം: തിരുവാതിര കുമ്മിയുടെ മാതൃകയിൽ ഒണപ്പാട്ടുമായി വൈക്കം സ്വദേശി പി. സോമൻ പിള്ള.
പി സോമൻപിള്ള രചി ച്ച മാവേലി നാട് എന്ന ഗാനമാണ് തിരുവാതിര കുമ്മി മാതൃകയിൽ ഒരുക്കിയിരിക്കുന്നത്. കവിയും,പൂന്താനംജ്ഞാനപ്പാന പുരസ്കാര ജേതാവുമായ വൈക്കം രാമചന്ദ്രനാണ് ഓൺലൈനായി ഗാനം പ്രകാശനം ചെയ്തത്. ഗാനത്തിന്റെ തുടക്കത്തിൽ ആദ്യപകുതി സന്തോഷവും, സമൃദ്ധിയും, സമാധാനവും നിറഞ്ഞപോയ കാലത്തിൻ്റെ സൗന്ദര്യവും, രണ്ടാംപകുതി അശാന്തി നിറഞ്ഞ വർത്തമാന കാലത്തിന്റെ നോവുമായാണ് പി. സോമൻ പിള്ള എഴുതിയിരിക്കുന്നത്.

പിന്നണി ഗായിക ശ്രീദേവി തിരുവിഴയാണ് (ചെന്നൈ) ഗാനം സംഗീതം നൽകി പാടിയിരിക്കുന്നത്. പ്രകാശന ചടങ്ങിൽ ശബരിമല മുൻ മേൽശാന്തി ഇടമന ദാമോദരൻ പോറ്റി, അരവിന്ദൻ കെ.എസ് മംഗലം, സംഗീത സംവിധായകൻ മഹേഷ് മംഗലശ്ശേരി എന്നിവരും പങ്കെടുത്തു.