തലയോലപ്പറമ്പ്: ടോറസ് ലോറിയും ബുള്ളറ്റും കൂട്ടിയിടിച്ചുണ്ടായ അപകടത്തിൽ യുവാവിന് ഗുരുതര പരിക്ക്.
വടയാർ ഇളങ്കാവ് ജംഗ്ഷന് സമീപം വ്യാഴാഴ്ച രാത്രി ഒരു മണിയോടെയാണ് അപകടം. ബുള്ളറ്റ് യാത്രികൻ പെരുമ്പടവം സ്വദേശി സിജു രാജൻ (38) നാണ് പരിക്കേറ്റത്. തലയോലപ്പറമ്പിൽ നിന്നും ആലപ്പുഴ മണ്ണഞ്ചേരി ഭാഗത്തേക്ക് പോകുകയായിരുന്നു ടോറസ്. വൈക്കം ഭാഗത്ത് നിന്നും തലയോലപ്പറമ്പ് ഭാഗത്തേക്ക് വരികയായിരുന്നു ബുള്ളറ്റ്.
തലയ്ക്ക് ഗുരുതരമായി പരിക്കേറ്റ സിജുവിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
തലയോലപ്പറമ്പ് എസ്.ഐ. പി.എസ് സുധീരൻ്റെ നേതൃത്വത്തിൽ പോലീസ് സ്ഥലത്തെത്തി മേൽനടപടികൾ സ്വീകരിച്ചു.