ആശ്രയയിൽ  ഡയാലിസിസ് കിറ്റ് വിതരണം

ഗാന്ധിനഗർ: മെഡിക്കൽ കോളേജ് ആസ്ഥാനമായി കഴിഞ്ഞ രണ്ട് പതിറ്റാണ്ടായി ജീവകാരുണ്യ മേഖലയിൽ സജീവമായ ആശ്രയ ചാരിറ്റബിൾ ട്രസ്റ്റ്, നിർധനരായ വൃക്കരോഗികൾക്കായി സൗജന്യ ഡയാലിസിസ് കിറ്റുകൾ വിതരണം ചെയ്യുന്നു. ട്രസ്റ്റിന്റെ ആഭിമുഖ്യത്തിൽ നടന്നു വരുന്ന 75-ാമത് കിറ്റ് വിതരണമാണിത്. സൗജന്യ ഡയാലിസിസ് കിറ്റുകൾ ആവശ്യമുള്ള അർഹരായ രോഗികൾ 2026 ഏപ്രിൽ 5-ന് മുൻപായി പേര് രജിസ്റ്റർ ചെയ്യേണ്ടതാണെന്ന് ആശ്രയ സെക്രട്ടറി ഫാ. ജോൺ ഐപ്പ് മങ്ങാട്ട് അറിയിച്ചു.

രോഗീസേവന രംഗത്ത് മാതൃകാപരമായ പ്രവർത്തനങ്ങളാണ് ആശ്രയ കാഴ്ചവെക്കുന്നത്. മെഡിക്കൽ കോളേജിൽ ചികിത്സയ്ക്കെത്തുന്ന രോഗികൾക്കും കൂട്ടിരിപ്പുകാർക്കുമായി 150-ഓളം പേർക്ക് സൗജന്യ താമസസൗകര്യവും ഭക്ഷണവും നൽകുന്നു. ഞായറാഴ്ച ഒഴികെയുള്ള ദിവസങ്ങളിൽ ഉച്ചയ്ക്ക് 12 മണി മുതൽ ഗൈനക്കോളജി ബ്ലോക്കിലും ആശ്രയ കേന്ദ്രത്തിലും സൗജന്യ ഉച്ചഭക്ഷണം വിതരണം ചെയ്യുന്നു. കൗൺസിലിംഗ്, രോഗികൾക്കായുള്ള പ്രാർത്ഥന, രക്തദാനം, സൗജന്യ വസ്ത്ര വിതരണം, ആശുപത്രി സന്ദർശനം എന്നിവയും ട്രസ്റ്റിന്റെ കീഴിൽ നടന്നുവരുന്നു.

രജിസ്ട്രേഷനും കൂടുതൽ വിവരങ്ങൾക്കും ബന്ധപ്പെടുക:
📞 9400280965