കെ.എസ്.ടി.എ ദുരിതാശ്വാസ ക്യാമ്പുകളിൽ അവശ്യസാധനങ്ങളെത്തിച്ചു

വൈക്കം: ദുരിതാശ്വാസ ക്യാമ്പുകളിൽ കഴിയുന്നവർക്ക് ആശ്വാസവുമായി കേരള സ്റ്റേറ്റ് ടീച്ചേഴ്‌സ് അസോസിയേഷൻ (കെ.എസ്.ടി.എ). സംഘടനയുടെ നേതൃത്വത്തിൽ വിവിധ ദുരിതാശ്വാസ ക്യാമ്പുകൾ സന്ദർശിക്കുകയും അവശ്യസാധനങ്ങൾ വിതരണം ചെയ്യുകയും ചെയ്തു.

​മറവൻതുരുത്ത് ഗവ. യു.പി സ്‌കൂളിൽ പ്രവർത്തിക്കുന്ന ക്യാമ്പിലേക്ക് ആവശ്യമായ സാധനങ്ങൾ കെ.എസ്.ടി.എ ജില്ലാ സെക്രട്ടറി ടി. രാജേഷ് കൈമാറി. പഞ്ചായത്ത് വൈസ് പ്രസിഡന്റ് പി.സി. തങ്കരാജ്, ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കെ.എസ്. വേണുഗോപാൽ എന്നിവർ ചേർന്ന് സാധനങ്ങൾ ഏറ്റുവാങ്ങി. ചടങ്ങിൽ ബിനു കെ. പവിത്രൻ, നിഷാദ് തോമസ്, എ.പി. തിലകൻ, പ്രമോദ് സി.പി., അരുണിമ ബലരാമൻ, ജോർജ് വർഗീസ് തുടങ്ങിയവർ പങ്കെടുത്തു.