ഇരുമ്പ് വടി കൊണ്ടുള്ള അടിയേറ്റ് ചികിത്സയിലായിരുന്നയാൾ മരിച്ചു

വൈക്കം: ചെമ്പിൽ പാട്ടുപാടിയതിനെ തുടർന്നുണ്ടായ തർക്കത്തിൽ തലയ്ക്ക് ഇരുമ്പ് വടി കൊണ്ടുള്ള അടിയേറ്റ് ചികിത്സയിലായിരുന്ന 47 കാരൻ മരിച്ചു. മുറിഞ്ഞ പുഴ പറായിപ്പറമ്പ് ബിനീഷ് ആണ് മരിച്ചത്. മെയ് 18ന് രാത്രി ചെമ്പിലായിരുന്നു സംഭവം.

പാട്ടുപാടിയത് ചോദ്യം ചെയ്ത് ബിജു, ബിന്ദു എന്നീ സഹോദരങ്ങൾ ബിനീഷിനെ ആക്രമിക്കുകയായിരുന്നു. തുടർന്ന് തലയ്ക്ക് ഇരുമ്പ് വടി കൊണ്ടുള്ള അടി ഏറ്റു. ബോധം നഷ്ടപ്പെട്ട നിലയിൽ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു ബിനീഷ്. ഇന്ന് രാവിലെയാണ് മരണപ്പെട്ടത്. പ്രതികളെ അന്നുതന്നെ പോലീസ് അറസ്റ്റ് ചെയ്തിരുന്നു.