ഓട്ടോറിക്ഷ തെങ്ങിലിടിച്ച് മറിഞ്ഞ് യാത്രക്കാരൻ മരിച്ചു

കോട്ടയം: കൈപ്പുഴമുട്ടിനു സമീപം കൈപ്പുഴയാറിൻ്റെ അരികിലെ വഴിയിലൂടെ പോയ ഓട്ടോറിക്ഷ തെങ്ങിലിടിച്ച് മറിഞ്ഞ് യാത്രക്കാരൻ മരിച്ചു.

അച്ചിനകം കാമിശ്ശേരി കെ.പി. ജോസഫ് 65 ആണ് മരിച്ചത്. നിയന്ത്രണം വിട്ട ഓട്ടോറിക്ഷ തെങ്ങിൽ ഇടിച്ച് മറിഞ്ഞ് യാത്രക്കാരൻ ഇതിനുള്ളിൽ അകപ്പെട്ടു. ഏറെ പണിപ്പെട്ടാണ് ഇയാളെ പുറത്തെടുത്തത്. ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു. അച്ചിനകം സ്വദേശി കാരാപ്പള്ളി ജിജോ ആണ് ഓടിച്ചിരുന്നതെന്ന് നാട്ടുകാർ പറഞ്ഞു. ഇയാൾ മദ്യലഹരിയിൽ ആയിരുന്നു എന്നും ആക്ഷേപമുണ്ട്. ഗാന്ധിനഗർ പോലീസ് ഇയാളെ കസ്റ്റഡിയിൽ എടുത്തിട്ടുണ്ട്. ഉച്ച കഴിഞ്ഞ് മൂന്നുമണിയോടു കൂടിയായിരുന്നു അപകടമുണ്ടായത്.