വാക്കയിൽ ക്ഷേത്രത്തിൽ ശ്രീമദ് ഭാഗവത സപ്‌താഹയജ്ഞം

ഇടവട്ടം: വാക്കയിൽ ശ്രീധർമ്മശാസ്താ ക്ഷേത്രത്തിൽ 22-ാമത് ശ്രീമദ് ഭാഗവത സപ്താഹയജ്ഞം ആഗസ്റ്റ് ഒൻപതു മുതൽ 16 വരെ നടക്കും. ഒൻപതിന്
വൈകിട്ട് അഞ്ചിന് പള്ളിയറക്കാവ് ദേവി ക്ഷേത്രത്തിൽ നിന്നും വിഗ്രഹഘോഷയാത്ര. തുടർന്ന് ഭദ്രദീപ പ്രകാശനം തന്ത്രി മനയറ്റാത്തില്ലത്ത് ചന്ദ്രശേഖൻ നമ്പൂതിരി നിർവഹിക്കും.
ക്ഷേത്രം മേൽശാന്തി പ്രമോദ് ഭട്ടതിരിയുടെയും ജനപ്രതിനിധികളുടെയും സാന്നിധ്യത്തിൽ വി.കെ.എം ഗ്രൂപ്പ് മാനേജിംഗ് ഡയറക്‌ടർ വി.കെ. മുരളീധരൻ വഴിപാടായി നടപ്പന്തൽ സമർപ്പിക്കും.

സപ്താഹ ദിവസങ്ങളിൽ പുലർച്ചെ 5 .45ന് ഗണപതി ഹോമത്തോടെ ക്ഷേത്ര ചടങ്ങുകൾ ആരംഭിക്കും. വിശേഷങ്ങൾ പൂജകൾ,ഭാഗവത പാരായണം, പ്രസാദഊട്ട്, അത്താഴക്കഞ്ഞി
എന്നിവ എല്ലാ ദിവസവുമുണ്ടാകും.
തന്ത്രി മനയത്താറ്റു മനയ്ക്കൽ ചന്ദ്രശേഖരൻ നമ്പൂതിരിയുടെ മുഖ്യ കാർമികത്വത്തിൽ യജ്ഞാചാര്യൻ ഗുരുവായൂർ പെരുമ്പള്ളി നാരായണദാസ് നമ്പൂതിരി സപ്താഹയജ്ഞത്തിന് നേതൃത്വം നൽകും. യദുകൃഷ്ണൻ നമ്പൂതിരി, പ്രസന്ന നാരായണദാസ് എന്നിവർ സഹ ആചാര്യസ്ഥാനം വഹിക്കും.