തയ്യൽ തൊഴിലാളികളുടെ അവകാശാനുകൂല്യങ്ങള്‍ സംരക്ഷിക്കണം
വൈക്കം: പുതിയ സര്‍ക്കാര്‍ ഏതു മുന്നണിയുടേതാണെങ്കിലും തയ്യല്‍ തൊഴിലാളികളുടെ സർവീസ് പെന്‍ഷന്‍ അടിയന്തിരമായി നടപ്പിലാക്കണമെന്ന് ഓള്‍ കേരള ടെയ്‌ലേഴ്‌സ് അസോസിയേഷന്‍ കോട്ടയം ജില്ല കണ്‍വെന്‍ഷന്‍ ആവശ്യപ്പെട്ടു. പ്രസവാനുകൂല്യ കുടിശിക സമയബന്ധിതമായി കൊടുത്തു തീര്‍ക്കണമെന്നും, ക്ഷേമനിധി ആനുകൂല്യങ്ങള്‍ കാലാനുസ്യതമായി വര്‍ധിപ്പിക്കണമെന്നും, ക്ഷേമനിധി ഇന്റ്റര്‍വ്യൂ കഴിഞ്ഞവരുടെ ഐ.ഡി കാര്‍ഡുകള്‍ ഉടന്‍ വിതരണം ചെയ്യണമെന്നും സമ്മേളനം ആവശ്യപ്പെട്ടു. തലയോലപ്പറമ്പ് സെൻ്റ് ജോര്‍ജ് പാരിഷ് ഹാളില്‍ (കെ.എസ്. സോമന്‍ നഗർ) നടന്ന പ്രതിനിധി സമ്മേളനം സംസ്ഥാന സെക്രട്ടറി ജി. സജീവന്‍ ഉദ്ഘാടനം ചെയ്തു. ജില്ലാ പ്രസിഡന്റ് എസ്. സുബ്രമണ്യന്‍ അദ്ധ്യക്ഷത വഹിച്ചു.
സംസ്ഥാന എക്‌സിക്യൂട്ടീവ് മെമ്പര്‍ ടി.ആര്‍. നളിനാക്ഷന്‍ സംഘടന റിപ്പോര്‍ട്ട് അവതരിപ്പിച്ചു. ജില്ലാ സെക്രട്ടറി വി.ജി. ഉഷാകുമാരി, ട്രഷറര്‍ എം.ബി. മുഹമ്മദ്കുട്ടി, ജില്ലാ ജോയിന്‍ സെക്രട്ടറി വല്‍സമ്മ, വി.കെ. കരുണാകരന്‍ നായര്‍, സക്കീര്‍ ഹുസൈന്‍, എന്നിവര്‍ പ്രസംഗിച്ചു.
Comments ()