ഉദയനാപുരത്ത് വെള്ളപ്പൊക്കത്തിൽ ഒറ്റപ്പെട്ടവർക്ക് സഹായവുമായി പഞ്ചായത്ത് ഭരണസമിതി

വൈക്കം: പുഴയും തോടുകളും കരകവിഞ്ഞൊഴുകി വെള്ളപ്പൊക്കത്തിലായ ഉദയനാപുരം പഞ്ചായത്തിൻ്റെ തെക്കൻ മേഖലയിലുള്ളവർക്ക് ഭക്ഷണവും ചികിത്സയുമൊരുക്കി പഞ്ചായത്ത്. ചിറപ്പാട് വാഴമന പ്രദേശത്ത് വീടുകളിൽ ഒറ്റപ്പെട്ടു കഴിയുന്നവർക്ക് ഭക്ഷണവും മരുന്നുമായാണ് ഉദയനാപുരം പഞ്ചായത്ത് പ്രസിഡൻ്റ് കെ.ജി രാജുവിൻ്റെ നേതൃത്വത്തിൽ സഹായം എത്തിച്ചത്. ബോട്ടിൽ വീടുകളിലെത്തിയാണ് പഞ്ചായത്ത് പ്രസിഡൻ്റ് കെ.ജി. രാജുവും അലോപ്പതി മെഡിക്കൽ ഓഫീസർ ഡോക്ടർ അലക്സ് തോമസ്, ബ്ലോക്ക് പഞ്ചായത്ത് അംഗങ്ങളായ എം.ജി. രഞ്ജിത്ത്, രഞ്ജനാ സുനിൽ, വൈസ് പ്രസിഡൻ്റ് ബിന്ദു അനിൽകുമാർ ജനപ്രതിനിധികളായ അജിതാ മധുകുട്ടൻ അഭിജിത്ത് ചായപ്പള്ളി, സ്മിതാ വിജയൻ ഷാബിൻ മൂത്താക്കോണിൽ എന്നിവരും ചേർന്ന് സഹായമെത്തിച്ചത്.