ഉദയനാപുരത്ത് പകർച്ചവ്യാധി പ്രതിരോധ പ്രവർത്തനങ്ങൾക്ക് തുടക്കമായി

വൈക്കം: വെള്ളപ്പൊക്കശേഷം ഉദയനാപുരം പഞ്ചായത്തിലെ താഴ്ന്ന പ്രദേശങ്ങളിൽ വെള്ളം കെട്ടിക്കിടന്ന് പകർച്ചവ്യാധികൾ സാധ്യതകൾ ഉള്ളതിനാൽ രോഗപ്രതിരോധ പ്രവർത്തനങ്ങളും ആരോഗ്യ ബോധവത്ക്കരണവും തുടങ്ങി. അക്കരപ്പാടം എസ്.എൻ.ഡി.പി ആഡിറ്റോറിയത്തിൽ തുടക്കം കുറിച്ച പ്രവർത്തനങ്ങൾ പഞ്ചായത്ത് പ്രസിഡൻ്റ് കെ.ജി രാജു ഉദ്ഘാടനം ചെയ്തു.

വൈസ് പ്രസിഡൻ്റ് ബിന്ദു അനിൽകുമാർ അദ്ധ്യക്ഷത വഹിച്ചു. ആയൂർവ്വേദ മെഡിക്കൽ ഓഫീസർ ഡോക്ടർ എസ്. ലക്ഷ്മി, ഡോക്ടർ ടിൻ്റു ജോസഫ്, ഡോക്ടർ മിഥുൻ. ജെ. കലൂർ, സജീവ് നെടിയത്തറ, ആശാ മധുക്കുട്ടൻ, അഭിജിത്ത് ചായപ്പള്ളി എന്നിവരും പങ്കെടുത്തു.