വൈക്കം ബീച്ചിന് തിളക്കമേകാൻ വിദേശ മലയാളിയുടെ കൈത്താങ്ങ്

വൈക്കം: വൈക്കം ബീച്ചിൽ സ്ഥാപിക്കാനുള്ള 65 എൽ.ഇ. ഡി. ലൈറ്റുകൾ എത്തി. വിദേശമലയാളി സംഭാവന ചെയ്ത 65 ലൈറ്റുകളാണ് നഗരസഭയിൽ എത്തിച്ചത്. ഇവ പരിശോധിച്ച് അടുത്ത ദിവസങ്ങളിലായി കായലോര ബീച്ചിൽ സ്ഥാപിക്കാനാണ് തീരുമാനം. നഗരസഭ ചെയർമാൻ അബ്ദുൽസലാം റാവുത്തറിൻ്റെ ആവശ്യപ്രകാരമാണ് വിദേശ മലയാളി ലൈറ്റുകൾ എത്തിച്ചത്. നാട്ടുകാരുടെ സഹകരണത്തോടെ ബീച്ച് നഗരസഭ ശുചീകരിച്ചതിന് പിന്നാലെയാണ് മോടിപിടിക്കുന്നതിനുള്ള നടപടികൾ തുടങ്ങിയത്. ബീച്ചിന് സമീപമുള്ള കായലിടുക്ക് ആഴംകുട്ടി ശുദ്ധീകരിച്ച് ബോട്ടിംഗ് സൗകര്യങ്ങൾ ഒരുക്കുന്നതിന് 10 ലക്ഷം രൂപയും നഗരസഭ അനുവദിച്ചിരുന്നു.