ഓപ്പറേഷൻ തൂഫാൻ തദ്ദേശം രണ്ടാം ഘട്ടത്തിന് വൈക്കത്ത് തുടക്കമായി

വൈക്കം: ഓപ്പറേഷൻ തൂഫാൻ തദ്ദേശം രണ്ടാം ഘട്ടത്തിന് വൈക്കത്ത് തുടക്കമായി. ആഭ്യന്തര വകുപ്പും, പോലീസും, എക്സൈസ് വകുപ്പും ചേർന്ന് നടത്തുന്ന ഓപ്പറേഷൻ തൂഫാൻ 2.0 തദ്ദേശം രണ്ടാം ഘട്ടത്തിനാണ് ഇന്ന് തുടക്കമായത്. പദ്ധതിയുടെ സംസ്ഥാന തല ഉദ്ഘാടനം മലപ്പുറത്ത് നടന്നു. വൈക്കത്ത് ജനപ്രതിനിധികളുടെ നേതൃത്വത്തിൽ തൂഫാൻ പ്രതിജ്ഞയും, തൂഫാൻ വാരിയർ ബാഡ്ജ് ധരിക്കലും നടത്തി. വൈക്കം നഗരസഭയുടെ നേതൃത്വത്തിൽ നടത്തിയ തൂഫാൻ 2.0 വിൻ്റെ ഭാഗമായി നഗരസഭ ചെയർമാൻ അബ്ദുൾ സലാം റാവുത്തർ നഗരസഭാ കവാടത്തിൽ തൂഫാൻ പതാക ഉയർത്തി.

നഗരസഭാഹാളിൽ നടന്ന ചടങ്ങിൽ സെക്രട്ടറി രഞ്ജിത്ത് ആർ. നായർ പ്രതിജ്ഞാ വാചകം ചൊല്ലിക്കൊടുത്തു. വൈക്കം ഡി.വൈ.എസ്.പി കെ.എൻ രാജേഷ് കുമാർ, സബ് ഇൻസ്പെക്ടർ വൈശാഖ്, വൈസ് ചെയർമാൻ സൗദാമിനി അഭിലാഷ്, സ്റ്റാൻ്റിംഗ് കമ്മറ്റി ചെയർമാന്മാരായ ഗീതാപുരുഷൻ, ബി. രാജശേഖരൻ, സോണി സണ്ണി തുടങ്ങിയവർ നേതൃത്വം നൽകി. ചെയർമാൻ അബ്ദുൾ സലാം റാവുത്തർ നഗരസഭ അംഗങ്ങളേയും കുടുംബശ്രീ പ്രവർത്തകരേയും ഹരിതകർമ്മ സേനാ അംഗങ്ങളേയും തൂഫാൻ ബാഡ്ജ് അണിയിച്ചു.