ഗാന്ധിജയന്തി ആഘോഷിച്ചു
വൈക്കം: 17-ാം നമ്പർ അങ്കണവാടിയിൽ ഗാന്ധിജയന്തി ആഘോഷം സംഘടിപ്പിച്ചു. പരിപാടിയുടെ ഉദ്ഘാടനം മുൻ പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ എസ്. ഹരിദാസൻ നായർ നിർവഹിച്ചു. 8-ാം വാർഡ് കൗൺസിലർ വി. അനൂപ് ചടങ്ങിൽ അദ്ധ്യക്ഷത വഹിച്ചു. ചടങ്ങിന്റെ ഭാഗമായി പ്രദേശത്തെ മുതിർന്ന തൊഴിലുറപ്പ് പ്രവർത്തകരായ ലീല, ശ്യാമള എന്നിവരെ പൊന്നാടയണിയിച്ച് ആദരിച്ചു.
ഗാന്ധിജിയുടെ ജീവിതസന്ദേശങ്ങളും സേവനപ്രവർത്തനങ്ങളുടെ പ്രാധാന്യവും സ്മരിച്ചുകൊണ്ട് നടന്ന ചടങ്ങിൽ അങ്കണവാടി അധ്യാപിക രേഖ, ഐ.സി.ഡി.എസ് സൂപ്പർവൈസർ ശ്രീമോൾ, ആശാ വർക്കർ ചിന്നു, എ.പി. ഗോപാലൻ, സുസ്മിത എന്നിവർ ആശംസകൾ നേർന്നു സംസാരിച്ചു. അങ്കണവാടി ജീവനക്കാരും പ്രദേശവാസികളും ചടങ്ങിൽ പങ്കെടുത്തു.
Comments ()