സഞ്ജീവനി ജീവൻ രക്ഷാ പരിശീലനം

വൈക്കം: ടൗൺ റോട്ടറി ക്ലബ്ബ് തെള്ളകം കാരിത്താസ് ആശുപത്രിയുടെ സഹകരണത്തോടെ സഞ്ജീവനി ജീവൻ രക്ഷാ പരിശീലനം സംഘടിപ്പിച്ചു. സത്യഗ്രഹമെമ്മോറിയൽ ഹാളിൽ നടന്ന ഉദ്ഘാടന യോഗത്തിൽ പ്രസിഡന്റ് ഡോ. അനൂപ് കുമാർ രവീന്ദ്രനാഥ് അദ്ധ്യക്ഷത വഹിച്ചു. ഐ.എം.എ വൈക്കം യൂണിറ്റ് പ്രസിഡന്റ് ഡോ.എ. വിനോദ് പരിശീലന പരിപാടി ഉദ്ഘാടനം ചെയ്തു. കാരിത്താസ് ഹോസ്പിറ്റലിലെ അത്യാഹിത വിഭാഗം ഡയറക്ടർ ഡോ. വിവേക്.ആർ, ഡോ. ആകാശ് അരവിന്ദ് എന്നിവർ നേതൃത്വം നല്കി. റൊട്ടേറിയൻമാരായ ജീവൻ ശിവറാം, ഡോ. ജി.മനോജ്, ഹരികൃഷ്ണൻ, എൻ.കെ. സെബാസ്റ്റ്യൻ തുടങ്ങിയവർ പ്രസംഗിച്ചു.