നവരാത്രി മഹോത്സവവും നവാഹ യജ്ഞവും

വെള്ളൂർ: വെള്ളൂർ പടിഞ്ഞാറ്റുകാവ് ദേവി ക്ഷേത്രത്തിൽ നവരാത്രി മഹോത്സവത്തോടനുബന്ധിച്ച് വെള്ളിയാഴ്ച മുതൽ ദേവി ഭാഗവത നവാഹയജ്ഞം ആരംഭിക്കും.
മനയത്താറ്റ് ഇല്ലത്ത് പ്രകാശൻ നമ്പൂതിരി ഭദ്രദീപപ്രകാശനം നിർവഹിക്കും.
ചേർത്തല പുല്ലയിൽ ഇല്ലത്ത് വിശ്വനാഥൻ നമ്പൂതിരിയാണ് യജ്ഞാചാര്യൻ.

മുളന്തുരുത്തി അരവിന്ദാക്ഷ മേനോൻ സഹ ആചാര്യസ്ഥാനവും, തിരുവല്ല രാജശേഖരൻ യജ്ഞഹോതാവ് സ്ഥാനവും വഹിക്കും.
ദുർഗാഷ്ടമി, മഹാനവമി, വിദ്യാരംഭം ദിവസങ്ങളിൽ വിശേഷാൽ പൂജകളും സരസ്വതി മണ്ഡപത്തിൽ വിവിധ കലാപരിപാടികളും നടക്കും.