വൈക്കം: വടക്കേ കൊട്ടാരത്തിൽ യുവാവ് മരിച്ച നിലയിൽ. 55 കാരനായ കിഴക്കേനട സ്വദേശി അറുവാതിക്കൽ കോവിലകത്ത് വിനോദ് സി. നായരെയാണ് മരിച്ചനിലയിൽ കണ്ടത്. രാവിലെ 9 മണിയോടെയാണ് സുഹൃത്ത് വന്ന് വിളിച്ചപ്പോഴാണ് മരിച്ചതായി കണ്ടത്. വൈക്കം ക്ഷേത്രത്തിലെ ദേവസ്വം പണികൾക്ക് സഹായി ആയി ജോലി ചെയ്ത് വരികയായിരുന്നു. പലപ്പോഴും രാത്രി ക്ഷേത്രപരിസരത്ത് കിടക്കുന്നയാളാണ്. നാല് ദിവസം ഈ കൊട്ടാരത്തിന് സമീപത്ത് വച്ച് പാമ്പ് കടിയേറ്റിരുന്നു. എന്നാൽ പെരുമ്പാമ്പ് കുഞ്ഞാണ് കടിച്ചെതെന്നാണ് പറയുന്നത്. കടിച്ച പാമ്പിൻ കുഞ്ഞിനെ ഇയാൾ തന്നെ തല്ലികൊന്ന് ആശുപത്രിയിൽ കൊണ്ടു പോയിരുന്നതായും പറയുന്നുണ്ട്. ചികിൽസ തേടിയെങ്കിലും പിന്നിട് മറ്റു ചില ശാരിരിക പ്രശ്‌നങ്ങൾ ഉണ്ടായതായും പറയുന്നു.