ചരിത്രത്തിൽ ഇന്ന്

1907 ആഗസ്റ്റ് 18 മാഡം ഭിക്കാജി കാമയുടെ ചരിത്രപരമായ പ്രസംഗം: ജർമ്മനിയിലെ സ്റ്റുട്ട്ഗാർട്ടിൽ നടന്ന ഇന്റർനാഷണൽ സോഷ്യലിസ്റ്റ് കോൺഗ്രസിൽ വെച്ച് മാഡം ഭിക്കാജി കാമ വിദേശമണ്ണിൽ ആദ്യമായി ഭാരതീയ സ്വാതന്ത്ര്യ പതാക ഉയർത്തുകയും രാജ്യത്തിന്റെ സ്വാതന്ത്ര്യത്തിന് വേണ്ടി സംസാരിക്കുകയും ചെയ്തു.

🌴 കേരളം

• 1989 പി.ടി. ഉഷയ്ക്ക് അംഗീകാരം: ഏഷ്യൻ അമച്വർ അത്‌ലറ്റിക് ഫെഡറേഷൻ, ഒളിമ്പ്യൻ പി.ടി. ഉഷയെ ഏഷ്യയിലെ ഏറ്റവും മികച്ച അത്‌ലറ്റായി തെരഞ്ഞെടുത്തു.

​​​🇮🇳 ഇന്ത്യ

• 1800 ഫോർട്ട് വില്യം കോളേജ്: കൊൽക്കത്തയിൽ ബ്രിട്ടിഷ് ഉദ്യോഗസ്ഥർക്ക് പ്രാദേശിക ഭാഷകളും ഭരണനിർവ്വഹണവും പഠിപ്പിക്കുന്നതിനായി 'ഫോർട്ട് വില്യം കോളേജ്' സ്ഥാപിക്കപ്പെട്ടു.
• 1900 വിജയലക്ഷ്മി പണ്ഡിറ്റിന്റെ ജനനം: ഐക്യരാഷ്ട്രസഭയുടെ ജനറൽ അസംബ്ലിയുടെ ആദ്യ വനിതാ പ്രസിഡന്റും ജവഹർലാൽ നെഹ്റുവിന്റെ സഹോദരിയുമായ വിജയലക്ഷ്മി പണ്ഡിറ്റ് ജനിച്ചു.
• 1945 നേതാജി സുഭാഷ് ചന്ദ്രബോസിന്റെ വിമാനാപകടം: തായ്‌വാനിലെ തായ്‌ഹോകു വിമാനത്താവളത്തിൽ വെച്ച് നേതാജി സഞ്ചരിച്ചിരുന്ന വിമാനം അപകടത്തിൽപ്പെടുകയും അദ്ദേഹം അന്തരിച്ചതായി കരുതപ്പെടുകയും ചെയ്യുന്നു.
• 1947 അതിർത്തി നിർണ്ണയ മാറ്റം: 1947 ഓഗസ്റ്റ് 15-ന് കിഴക്കൻ പാകിസ്ഥാന്റെ (ഇന്നത്തെ ബംഗ്ലാദേശ്) ഭാഗമായി പ്രഖ്യാപിക്കപ്പെട്ട വെസ്റ്റ് ബംഗാളിലെ നാദിയ, മാൾഡ എന്നീ ജില്ലകളിലെ ചില പ്രദേശങ്ങൾ തിരുത്തലുകൾക്ക് ശേഷം ഇന്ത്യയുടെ ഭാഗമായി ഔദ്യോഗികമായി മാറിയതും 18-ന് ഈ പ്രദേശങ്ങളിൽ പതാക ഉയർത്തിയതും ചരിത്രപരമായ സംഭവമാണ്.
• 1951 ഐ.ഐ.ടി ഖരഗ്‌പൂർ: ഇന്ത്യയിലെ ആദ്യത്തെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (IIT Khagrapur) വെസ്റ്റ് ബംഗാളിലെ ഖരഗ്‌പൂരിൽ പ്രവർത്തനം ആരംഭിച്ചു.

​​​🌍 ലോകം

• 1227 ചെങ്കിസ് ഖാന്റെ മരണം: മംഗോൾ സാമ്രാജ്യത്തിന്റെ സ്ഥാപകനും പ്രശസ്ത ലോക ജേതാവുമായ ചെങ്കിസ് ഖാൻ അന്തരിച്ചു.
• 1868 ഹീലിയം വാതകത്തിന്റെ കണ്ടെത്തൽ: സൂര്യഗ്രഹണ നിരീക്ഷണത്തിനിടെ ഫ്രഞ്ച് ജ്യോതിശാസ്ത്രജ്ഞനായ പിയറി ജാൻസൻ ഹീലിയം (Helium) എന്ന മൂലകം കണ്ടെത്തി.