ജിജോ ജോൺ പുത്തേഴത്ത് അന്തരിച്ചു

കൊച്ചി: മലയാള മനോരമ സ്പെഷ്യൽ കറസ്പോണ്ടന്റും അന്വേഷണാത്മക പത്രപ്രവർത്തകനുമായ ജിജോ ജോൺ പുത്തേഴത്ത് (54) അന്തരിച്ചു. രാവിലെ ഹൃദയാഘാതത്തെ തുടർന്ന് കൊച്ചിയിലെ സ്വകാര്യ ആശുപ്രതിയിലായിരുന്നു. കേരള പ്രസ് അക്കാദമിയിൽ നിന്ന ജേർണലിസം പഠനം പൂർത്തിയാക്കിയ ശേഷമാണ് ജിജോ ജോൺ മാധ്യമരംഗത്തേക്ക് പ്രവേശിക്കുന്നത്. അന്വേഷണാത്മക പത്രപ്രവർത്തന രംഗത്തെ മികവിന് 2020-ൽ മലയാള മനോരമ ചീഫ് എഡിറ്റേഴ്സ് ഗോൾഡ് മെഡൽ ഉൾപ്പെടെ നിരവധി പുരസ്കാരങ്ങൾ നേടിയിട്ടുണ്ട്. സ്വർണ്ണക്കടത്ത് ഉൾപ്പെടെയുള്ള സുപ്രധാന സംഭവങ്ങളിൽ ശ്രദ്ധേയമായ അന്വേഷണാത്മക പരമ്പരകൾ തയാറാക്കിയിട്ടുണ്ട്. 2015-ലെ മികച്ച മാധ്യമപ്രവർത്തനത്തിനുള്ള രാംനാഥ് ഗോയങ്ക പുരസ്ക്കാരം നേടി. ഇന്നത്തെ മലയാള മനോരമയിലും അദ്ദേഹത്തിൻ്റെതായ ബൈലൈൻ വാർത്ത പ്രസിദ്ധീകരിച്ചിട്ടുണ്ട്.