വടയാർ പെഗാസസ് ക്ലബ് 30-ാം വാർഷികവും ഓണാഘോഷവും നടത്തി

തലയോലപ്പറമ്പ്: വടയാർ പെഗാസസ് ക്ലബിന്റെ 30-ാം വാർഷിക ആഘോഷവും കുടുംബസംഗമവും ഓണാഘോഷവും വൈവിധ്യമാർന്ന പരിപാടികളോടെ നടത്തി. തലയോലപ്പറമ്പ് കെ. ആർ. ഓഡിറ്റോറിയത്തിൽ നടന്ന വർണ്ണാഭമായ സാംസ്കാരിക സമ്മേളനം പ്രമുഖ ലിറ്ററേച്ചർ ഫോട്ടോഗ്രാഫർ മനോജ് ഡി. വൈക്കം ഉദ്ഘാടനം ചെയ്തു.
​ക്ലബ് പ്രസിഡന്റ് എം.എൽ. രാമചന്ദ്രന്റെ അദ്ധ്യക്ഷതയിൽ ചേർന്ന ചടങ്ങിൽ വടയാറിന്റെ അഭിമാനമായ യുവനോവലിസ്റ്റ് പി.എൻ. ഹേനയെ ആദരിച്ചു.

വിവിധ കലാ-കായിക മത്സരങ്ങൾ, ഗാനമേള, സ്നേഹവിരുന്ന് എന്നിവ ആഘോഷ പരിപാടികൾക്കു മാറ്റുകൂട്ടി.
​ സെക്രട്ടറി പി. എസ്. വിനോദ് പാനാപ്പുര, ട്രഷറർ വി. ആർ. പ്രദീപ്‌ കുറ്റിക്കാട്, തലയോലപ്പറമ്പ് പഞ്ചായത്തംഗം എം. അനിൽകുമാർ, കെ. കെ. രാധാകൃഷ്ണൻ നായർ എന്നിവർ പ്രസംഗിച്ചു.